तिम्रो तस्विर यो दिलमा सजाएर गयौ तिमी

हरेक पल मुस्कान छर्दै रमाएर गयौ तिमी ।

 

अटुट बनोस् मित्रताको बन्धन हाम्रो सधै भरी

एउटै रगत दुई मुटुमा बगाएर गयौ तिमी ।

 

अचानक तिम्ले आज विदाई हात हल्लाउँदा

आँशु बनी यि आँखामा रसाएर गयौ तिमी ।

 

सधै भरी ताजा बनुन् तिम्रा हाम्रा पलहरु

हेर्दा हेर्दै क्षितिज पारी हराएर गयौ तिमी ।

 

सधै भरी फुलिरहुन् सम्झनाका फुलहरु

आँशु बगाई जिउँछु भन्थें जलाएर गयौ तिमी ।

लिला बल्लभ नेपाल, विराटनगर