काठमाडौं । सत्तारुढ दल नेपाल कम्युनिष्ट पार्टीभित्रको विवाद उत्कर्षमा पुगेको बेला पार्टीका अध्यक्ष एवं प्रधानमन्त्री केपी शर्मा ओलीले पार्टी एक रहने सम्भावना निकै कम रहेको बताउनुभएको छ ।
उहाँले आफूले पार्टीलाई बचाउन अन्तिमसम्म कोशिस गर्ने बताउदै अथक प्रयास गर्दा पनि सफल नभए पार्टी एक नरहने बताउनुभएको हो ।
शनिवार साँझ बसेको मन्त्रीपरिषद्को बैठकमा मन्त्रीहरुलाई राजनीतिक घटनाक्रमको बारेमा जानकारी गराउदै प्रधानमन्त्री ओलीले आफूले अन्तिम समयसम्म पार्टी बचाउने प्रयास गर्ने यदी सकिएन भने अलग हुने बताउनुभएको छ ।
आफूलाई प्रधानमन्त्री र अध्यक्ष दुबैबाट राजीनामा दिन भनिरहेको तर त्यो सम्भव नभएको बताउदै उहाँले आफूलाई हटाउन अन्तर्राष्ट्रिय ग्राण्ड डिजाइन भइरहेको र यसमा भारत पनि लागेको कुरा मन्त्रीहरुलाई जानकारी गराउनुभयो ।
पार्टीकै साथीहरुले राष्ट्रपति हटाउन महाभियोगको प्रस्ताव ल्याउने तयारी गरिरहेको थाह पाएर आफूले संसद अधिवेशन अन्त्यको निर्णय गरेको प्रधानमन्त्री ओलीको भनाई उदृत गर्दै एक मन्त्रीले जानकारी दिनुभयो । उहाँका अनुसार आफ्नै पार्टीका नेताले आफ्नै राष्ट्रपतिलाई हटाउन प्रयास गर्नु यो कस्तो संगठन हो ?ती मन्त्रीले प्रम ओलीको भनाई उदृत गर्दै भने ‘जुन साथीलाई म मन पर्छु, त्यो साथीले मलाई साथ दिनुहोला, जुन साथीलाई म मनपर्दैन साथ नदिनुहोला ।’

ओलीको अडानको कारण नेकपाभित्र झन भाँडभैलो

सत्तारुढ दल नेकपाका अध्यक्ष एवं प्रधानमन्त्री केपी शर्मा ओलीको कारणको कारण पार्टीभित्र झन भाँडभैलो सुरु भएको छ । आन्तरिक विवाद चुलिददै जादा पार्टीभित्रको शक्ति संघर्ष उत्कर्षमा पुगेको छ । शुक्रवार पार्टी अध्यक्षद्धय केपी ओली र पुष्पकमल दाहाल ‘प्रचण्ड’बीच भएको वार्तामा कुनै सहमति जुटन सकेन ।
वार्तामा अध्यक्ष ओलीले आफूले पार्टी अध्यक्ष र प्रधानमन्त्री दुवै पद नछोडने बरु परि आएको अवस्थामा पार्टी विभाजित गर्ने चेतावनी प्रचण्डलाई दिएपछि पार्टीको विवाद थप चुलिएको छ । स्थायी कमिटीको बैठक स्थगित गरेर दुई अध्यक्षबीच वार्ता भएपनि सहमति जुटन सकेन । पार्टीका दोस्रो तहका नतोहरुलाई दुवै अध्यक्षलाई चलकता अपनाएर पार्टी एकता बचाउन आग्रह गरेपनि दुवै अध्यक्ष आ–आफ्नो अडानमा रहेका छन् ।
पार्टीभित्र प्रधानमन्त्रीको कार्यशैलीको कारण असन्तुष्टि जनाउदै अध्यक्ष प्रचण्ड वरिष्ठ नेता माधव कुमार नेपाल पक्षले अधयक्ष र प्रधानमन्त्री दुवै पदबाट राजिनामा दिन ओलीलाई दबाब दिदै आएका छन् ।
तर प्रधानमन्त्री ओलीले आफूले राजिनामा नदिने अडान दोहोर्याउदै जारी बर्षे अधिवेशन समेत अत्त्य गर्ने निर्णय लिनुभएको छ । शनिवार बिहानैबाट शीर्ष तहमा सहमति जुटाउनको छलफल भएपनि सहमति जुटन सकेको छैन् ।
प्रधानमन्त्री ओलीले शनिवार दिनभर शीर्ष तहका नेताहरुसँग छलफल गरेपनि सहमति हुन सकेको छैन् । शनिवार प्रचण्ड निवास खुमलटारमा वरिष्ठ नेता माधव कुमार नेपाल, झलनाथ खनाल, उपाध्यक्ष वामदेव गौतम, प्रवक्ता नारायणकाजी श्रेष्ठ सहितका नेताहरुबीच छलफल भएको थियो ।
शनिवारको लागि डाकिएको स्थायी कमिटी बैठकमा ओलीले केही दिन थप समय माग गरेपछि बैठक स्थगित भएको थियो । प्रचण्ड निवास खुमलटारमा अहिले प्रचण्ड पक्षका नेताहरुबीच छलफल गरिरहेको बेला प्रधानमन्त्री ओली भने राष्ट्रपति विद्यादेवी भण्डारीले भेटन शिलत निवासमा पुग्नुभएको छ ।